متابعة :- حجازى صلاح
لما تكون قاعد في جنينة فيلتك بتلعب مع بنتك وفجاه تلاقي اكتر من ٤٠ بدي جارد علي بلطجية يقتحمو الفيلاا ويضربو نار بشكل مهول ويكسرو حرمة البيت ويتعدو علي ست كبيرة ٦٠ سنة بالضرب وراجل عجوز وجوزي علي ٤٠ شخص ورجلي رتتكسر وكلللللللل دااااااااااا عشان واحدة بتسوق بسرعة جنونية ادام الفيلا فحمايا مدحت الدولجى، لواء بالمعاش بيشاورلها براحة راحت دايسة بنزين اكتر كانت هتخبط لي لي بنتي فحمايا بيقولها متفتح يا حمار بعد ما العربية عدت راحت رجعت بضهرها قالتلو انت بتشتمني انا والله لحزنك علي عيالك يا راجل يا مهزئ هذه السيدة زوجة “إبراهيم سليمان” رجل الأعمال الشهير، !!!!!
كل اللي عايزة اقولو انها كانت ست لابسة اسود والعربية جيب سودا متفيمة اسود يعني اصلا عمو مش شايف جواها مين ست او راجل مش قاصدو يعني اكيد وبعد ما عملو اللي عملوة فينا وكلللللللل البوابيين واقفين يتفرجو خايفين من الرشاشات جات الست بعربيتها تاني بصت من الشباك ان كلو تمام وان ابواب الفيلا والشبابيك اتكسرت وان الست الكبيرة اللي عندها ٦٠ سنة واقعة علي باب الفيلا وانا رجلي اتكسرت ومش عايزة اقولكو علي الافاظ اللي اتقالت وجوزها كان زي المجنون وبيقول انا مراتي تعيط يا ولاد ال ……
حسبي الله ونعم الوكيل راح زاققني وكسر الكرسي علي رجلي وقطعلي التيشرت عايز يعريني وسط الشارع ولقيت واحد بيقول انا هقلعك ملط يا ولاد ،،،،،
وبقينا نصرخ الحقونا واقاوم واقسم بالله انا ما كان في ادماغي غير بنتي بس كنت عايزة اعمل المستحيل واخليها تبطل تبص عليا وعل باباها وجوزي علية ٤٠ فرد تقريبا وعلي كلمة واحدة ادخلي جوة بسرعااااا ادخلي جواااا وانا كان كل همي ادخل بنتي ٤ سنين جوا البيت بس الحمد لله جريت البنت مع الشغاله جوا …
منتهي الخوف منتهي الغدر انهاك حرمة البيت وتعدي عليهم كل المعاني وكل الكلام ميكفيش ويارب محد يتحط في موقف الذعر دا انا بنتي صحيت ٣ مرات من نومها مخضوضة مرهوبة بتصرخ بتقول مامي لا لا خديني في حضنك يا مامي
الحمد لله الفيلا اللي جمبنا مركبين كاميرااات والراجل كان مسافر امريكا كلمناه وقالنا انا سايبها شغاله وهيبعتلنا مدير اعمالو الصبح يفتحهالنا ومسكو ٣ بس يا رب ادعوووو لحد الصبح ميجوش يكسرو الكاميرات في الفيلا اللي جمبنا اقسم بالله العظيم ان اللي بيحصل في الافلام دا مش من خيال كاتب دا بيحصل وموجود بس اللي لحد الان مش قادرة اصدقوووووووووو. ان دا كلو يحصل عشان مشادة عادية من واحدة كانت بتسوق بجنونية في شارع سكني وبين راجل كبير في السن زي والدها وان جوزها وهو بيضرب بيقول انا مراتي تعيط يا ولاد الكلب انا ابراهيم سليمان عندي ٥ فيلل في التجمع انا همشيكو من المنطقة يا كلاب.
والاضح جدا اللي يجيب كمية البديجاردات دول طبعا كام عامل كدا شكلهم يعني بيشتغلو عندو في الفيلا ويعمل كل دااااا عشان الله واعلم مراتو راحت قالتلو اية يبقي واااااااصل وقادر وسلطتو عمي بس اكتشفنا انا هو معدينا ومبيهزرش لاننا عرفنا ان عندو مدرسة خاصة في القطامية وما ادراك العلاقات واولياء الامور ويا جماعة قسما بالله لو نزلت صور ليا ولجوزي ولينا احنا متشرحين انا بس مش حابة اعمل فضايح انا حابة المساعدة واخد حقي ولو سمحتو انا مش عايزة البوست ياخد شكل سياسي ابدا انا عايزاه يا خد شكل انساني يا جماعة ساعدوني عشان ميعملش في حد كدا تاني عايزين نتخلص من الفئة الفاسدة في المجتمع.
ملحوظة يا جماعة انا عدلت البوست كذا مرة لاني كنت بكتبو امبارح وانا منهارة وبلخبط معلش اعذروني في تفاصيل وحاجات كتير مش قادرة ولا عارفة اكتبها عايزة اقولكو ان دا ارهاب وهو اية معني الارهاب غير انهم يرهبو الستتات والاطفال دي مش خناقة شوارع دي جناية اقتحام منزل والتعدي علي حرمتو خليك فاكر انك ممكن تستهون بالبوست وممكن تبقي مكاني في يوم من الايام. نظرة عين بنتي وهي ماسكة في باب الفيلا بتصرخ لحد الانهيار مامي مامي بتدبحني 
?
تعدييييييييييييل ظهر ابراهيم سليمان وجالنا ادام الفيلا من نصف ساعة وهدد حمايا وقالو لو متنزلتش عن كل اللي عاملو دا هولع فيك وفي فيلتك وفي عيالك اللي فرحان بيهم دول وجة ومعاه ٣ معاهم سلاح واعد دلوقتي ادام فيلتو عادي جدا ومعاه البدي جارد بتوعو عرفتو لية هي معدتش ان راجل كبير شتمها عرفتو هو دافع لحد فين عرفتو اننا في مصر وعرفتو ان الموضوع اكبر من اللي بحكية المرة الجاية هيدخلو يغتصبونا في بيوتنا وبردو هلاقي ناس بتقول دي قصة مبالغ فيها ودي اية ودي اية واي كلام افتكرو اني طلبت مساعدتكم افتكرو لان كلنا في منظومة فاسدة هيجي يوم وهيجي الدور عليكم اخر حاجة عايزة اقولها لي لي بنتي بتقولي خلاص يا مامي انا مش هلعب في الشارع تاني.
?تعدييييييييييل يا جماعه بشكر ظباط المباحث قسم اول التجمع الخامس لاهتمامهم بامننا وبعتو دوريات ليلية للحمايتنا وتعاونو معانا جدااااااا دلوقتي وبشكرهم شكر خاص للمرة التانية وباذن الله هناخد حقنا
