‏حسين الشحات لما بيلعب السهل وبياخد الأريحية بيكون أخطر لاعب داخل الملعب

كتب..عاطف انيس

، ومن أميز لاعبي الأهلي ف التسليم والتسلم وده ظهر أكتر لما أصبح غير مُقيد ف الخطة

– حسين أرقامه مع الأهلي كويسة عموماً حتى ف أسوأ حالاته ، أتذكر حسين الموسم المنقضي كان أكتر لاعبي الأهلي مساهمة ف التهديف بـ23 هدف ” 11 هدف و 12 أسيست ” لكن جمهور الأهلي بيحكم بالمستوى داخل الملعب مش بس بالأرقام ، لكن ف ظل الأرقام اللي كان بيحققها حسين كان أكتر لاعبي الأهلي تعرضاً للإنتقادات والجمهور كان شايف إن مستواه سئ

جمهور الأهلي مش بيحكم بالأرقام أبداً ، إحنا ممكن نستخدمها كمؤشر فقط لدور اللاعب لكن الحكم ع اللاعب بيكون بناءاً ع مستواه داخل الملعب .. ماتش المقاصة الأخير حسين صنع هدف وشارك 71 دقيقة فقط وخرج كبديل ، و ف نفس الماتش شريف سجل هاتريك وله هدفين ملغيين فالبديهي إن أي حد يشوف الإحصائية تلقائياً هايقول شريف هو رجل المباراة ، ولكن الجمهور اختار حسين رجل المباراة .. ليه ؟ لأن الناس بصت ع دور حسين وتحركاته وتأثيره المباشر وغير المباشر داخل الملعب ، الجمهور ما بصش لحسين سجل أو لأ ؟ صنع ولا لأ ؟

حسين لما كان بيتعرض لهجوم كان بسبب هبوط مستواه ، حسين عمر الجمهور ما طلب منه إنه يحرز أو يصنع كل ماتش ، إحنا ماكناش عايزين أكتر من إنه يعمل اللي عليه واللي يفيد الفريق

حسين لا خلاف ع مستواه وإمكانياته و لما اترفع من عليه الضغط ظهر حسين بالشكل المطلوب ، فإحنا كنا ومازلنا مش عايزينك تسجل وتصنع إحنا عايزينك تبقى مؤثر ولك دور كل الناس تتكلم عنه

مؤخراً حسين بيقدم أفضل مستوياته مع الأهلي ، أتمنى من الله إنه يكمل مستواه ده ويظهر بشكل إيجابي يوم السبت ويكون رجل الليلة الأول ويعوضنا ويعوض نفسه عن الفرصة اللي ضيعها ف النهائي اللي فات

واثقين فيك وإن شاء الله تبقى إنت أفشة الجديد ❤️😄
.