بقلم رؤوف علوانى 
حطم جدار الشرنقة
أخرج بقى
قول كلمتك
متخليهاش متعلقة
دا الكيل طفح
والناس بحالها مزمزأة
والليل طول
والفجر محتاج مطرقة
***
ليه البكا والولوله
قاوم بقى
جرب تثور
أمنع دعاة الهروله
حل العقد
أبدا بسورة الزلزله
حرر أيديك
أياك تسيبها مكبله
أخرس جميع الألسنة
إنطق بقى
صحي النهار
إزرع في أرضك سوسونة
ليه السكات
في خضوع وذل ومسكنه
صحي الأمل
خليه يقرب كام سنة
***
دي الأمه هيه السيدة
متقول بقى
حاول تفوت
لو كان بدم الأورده
فك القيود
حرك جمود الأفئدة
هز الهلال
تصبح بلادنا معيدة
كفايانا كفر وزندقه
أمن بقى
قول كلمتك
لو كان تمنها المشنقة
لملم قواك
أياك تسيبها مبعزقة
دا انت القدر
والخلق ليك متشوقة
