متابعه/ ايمن صيام
اللهم احفظ مصر وشعبها العظيم من كل كاره او حاقد او مستغل او جاهل أو فاسد .
في نفس التوقيت إللي الدول إعترضت على معاقبة المتهمين اللي إقتحموا المنشآت والمؤسسات في مصر والقت القبض عليهم وطالبت بالإفراج عنهم !! النهاردة بعد عشر سنين بيتم القبض على إللي إقتحموا المنشآت والمؤسسات عندهم وبتنشر صورهم مع مكافأة بالملايين للي يرشد عنهم وإللي إتقبض عليه منهم هيواجه عقوبة السجن لمدة عشرين سنة !!
وفي نفس التوقيت من عشر سنين الدول إللي إعترضت علي نزول الجيش في مصر لحماية منشآت الدولة وإعتبرت ده إجراء ضد “الديمقراطية” !! والنهاردة بعد عشر سنين الجيش عند نفس الدول قام بالإنتشار لحماية المنشآت !!
في نفس التوقيت الدول إللي إعتبرت إللي نزلوا عندنا في الشوارع ثوار ولهم مطالب !! وبعد عشر سنين لما ناس نزلوا عندهم إعتبرتهم مخربيين وبتهدد أي حد ينزل الشارع بالسجن !!
مش بفكرك بالكلام دة علشان أقول لك شوف إن الدول إللي تآمرت علينا بيحصل عندها إيه بعد عشر سنين من التآمر علينا في الوقت اللي إحنا عايشين فيه في أمان وبنقوم بتنظيم بطولة رياضية عالمية علي أرضنا ، ولا علشان أقول لك إن مصر ربنا حافظها وإن إللي بيتآمر عليها بيحصل له نفس اللي كان بيخطط أنه يحصل في مصر ، علشان ده أمر مفروغ منه ،
انا بس عايز أفكرك إن بقالك عشر سنين كان بيتضحك عليك بمسميات زي الديمقراطية وحقوق الإنسان وإن الدول اللي بتضحك عليك بالمسميات دي لما بيحصل عندها ربع إللي حصل عندك بتتصرف بعكس كل المسميات إللي كانت بتضحك عليك بيها طول السنين إللي فاتت .
