الرئيسةشعر عامى

سر السعادة

كلمات : ابو حسام الصعيدي

وحشتيني يا اما يا نور حياتي •وحشني صوتك وحضنك الدافي • كنت عيل لسه صغير معرفش حاجه •كنت ديما أزعل من أمي لما تغضب •وصوتها يعلى متطلعش بره خش ذاكر•كنت أزعل واتقمص وسعات اعيط ومعاها بعاند•كنت عيل معرفش حاجه•ويوماتي كنت انكد عليها•أسهر و اروح باليل متأخر ادخل ألاقيها قاعده ومستنياني•كنت فين والساعه كام وسهران مع مين لحد دلوقتي•ما ترد عليا ساكت ليه •يوووووه ايه يا ستي سبيني ف حالي •دا انا ذهقت واتخنقت •لازم يعني اسطوانت كل يوم تسمعهالي•مكانتش تزعل والله مني ولا من كلامي•كانت تصحى قبلي تجهزلي فطاري وتكويلي هدومي•وتدخل أوتي توضبهالي و تطحك في وشي وتراضيني•وكانت تدعيلي وانا ماشي وتقول مع السلامه يا ضنايا•ربنا يكتبلك ف كل خطوه سلامه وتروح وترجع بالسلامة •كنت اطحك ع كلامها ما عيل صغير معرفش حاجه•مكنتش اعرف أني عايش ببركت دعاها•مكنتش اعرف أن أمي هيا سر السعادة •مكنتش اعرف ان أمي هيا سبب رزقي ف دنيايا•مكنتش اعرف ان لو تعبت ف مرة هيا طبي ودوايا •مكنتش اعرف ان أمي هيا سبب نجاحي ف الحياه مكنتش اعرف•مكنتش اعرف ان من غير أمي هبقى ضايع هبقى تايه•هبقى وحيد هبقى حزين وهبقى عايش عمري ف مهالك•كنت عيل معرفش حاجه •ما انا لو اعرف كنت أعيش لأمي خدام•مكنتش اعرف مكنتش اعرف •مشيتي يا أما ..سبتيني وحدي•من يوم ما مشيتي وانطفى ف عيني نور الحياه وانكسر من بعدك قلبي•وباب الرزق اتقفل ف وشي•من بعدك يا اما كل شئ بقى طعمه مر •نسيت الطحكه واترسم ع وشي الحزن •ولما كبرت عرفت قيمتك وفهمت ايه معنى الام•هتصدقيني يا اما والله بعدك مش عارف افرح نفسي افرح •بس مش عارف افرح حتى يا اما بعد ما كبرت• كبرت يا اما واتجوزت ويوم فرحي•اللي بيرقص وفرحان واللي بيهني واللي بيغني وانا تايه وسط الناس وسرحان•زي ميكون ضايعه مني حاجه وعمال أدور و أدور ومش عارف ع ايه بدور•وبصرخ بصوت مش مسموع وغرقان ف بحر دموع نقصني حاجه•ايه اللي نقصني نقصني أمي كان نفسي يا اما تكوني معايا•اتجوزت يا اما وخلفت ومعايا ولد زي القمر وسميته ( حسام ) •ابني يا اما لما اتولد معرفتش افرح بيه شلته ع أيدي وقعت ابكي •ولما سألوني قولت ببكي من فرحتي •عارفه يا اما انا بكيت ليه علشان افتكرتك وافتكرت كلامك ليا•لما قولتي ياما نفسي يا ابني اجوزك وأشوف عيالك قبل ما أموت •كبرت يا اما وفهمت وعرفت ان•قسوتك ليا كانت حب وغضبك حب وعقابك حب • يا لها من حياه وما اغربها من دنيا وما اقصر العمر• عزرا لكم أيوها الناس عزرآ لكي أيوها الدنيا بل عزرآ للجميع•امي اجمل شئ وأغلى شئ ف الحياه•فهيا امرأه لن تتكرر ف هذه الدنيا !! { اللهم اجعل امي ممن تقول لها النار اعبري فإن نورك أطفئ ناري*و تقول لها الجنه اقبلي فقد اشتقت إليكي قبل ان ارآكي } أسف أحبتي لحزن كلماتي فقلبي الذي ينطق وليس لساني وأني أتمنى ان تكون قصائدي مفرحتآ ولكن كيف اكتب عن السعادة وبداخلي حزنآ وجرحآ لم يشفى !!!

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق