بقلم احلام ابراهيم.
الصحاب آه من الصحاب
هما جنة أو عذاب
لو قليل الأصل فيهم
يبقى حلم وكان سراب
لو آمنت الندل حاسب
أوعى تندم أو تعاتب
الخساسة طبع فيه
حتى إن الطبع غالب
إللي فاهم حسن نية
كل يوم بيبان اسية
واللي بتعامله بغباوة
هو محتاج إنسانية
صاحبي يا ابن الناس رفيقي
مش هقول أخ وصديقي
لا ده أكتر من أخويا
هو نور شمعة طريقي
لو فيه سر أنا بحكيهوله
لو قضيت عمرك بطوله
مش خسارة لو كسبته
كل مالي أنا اديهوله
أوعى غدره أو الخيانة
صاحبي صاحبك دي الأمانة
حتى لو غلطان بحقي
عمري ما ارضى له الإهانة
آمنه بس تكون واعيله
لو ده واقع ااه اشيله
مش هسيبه أنا للزمان
ع الأقل اداوي ويله
صاحبي يعني أكيد مرايا
مش مجرد كان حكاية
هو إحساسي بنفسي
هو نفسي من البداية
