اخبار
اس ملونين.
بقلم الشاعرة/ كريمة الشقري .
قابلت ناس كتيرة.
في الدنيا ملونين
فيه ناس تقابلها مرة.
.وتعيش جواك سنين.
وناس في كل مرة.
تشوفها تقول دي مين.
وناس يوم ما تمشي.
بتروح وتسيب حنين.
وناس عشرتهامُرة.
معاها تعيش حزين.
وناس حياتنامُرة.
من غيرها ولو يومين.
فيه ناس تشبه قلوبنا.
صافيين وقريبين.
وناس تحسبها دهب.
وقلوبها مصديين.
وناس عايشة في غابة.
مفيهاش ناس طيبين.
وناس علشان رخيصة.
ممكن تبيع سنين.
فيه ناس حزن وكآبة.
وناس حضن وحنين.
وناس تقدر تسكن
قلوبنا في غمض عين