كتب..عاطف أنيس
وفيها الفاظ صعبة جدًا ضد موسيماني ووالدته وهو داخل ملعب لوكاس موريبي موقف نفسي صعب جدًا وأثر في موسيماني جدًا. موسيماني كان بطل قومي عند جمهور صنداونز ولكن دفع ثمن ايمانه بحلمه مع الأهلي.
في البداية جمهور صنداونز اتعامل مع رحيل موسيماني للأهلي بشكل جيد تقديرًا للي عمله وازاي اخدهم من عاشر الدوري وغياب البطولات لسنوات عشان يحقق ٥ بطولات دوري ووبطولتين كأس وأول بطولة افريقية في تاريخ النادي واول سوبر افريقي في تاريخ النادي.
لما جه لموسيماني عرض تدريب منتخب جنوب افريقيا ورفضه عشان النادي الأهلي كان ده قرار دفع موسيماني ثمنه موسيماني كان ممكن يتعامل ان ده خروج أمن من الأهلي خصوصًا وسط الضغوط الجماهيرية اللي عليه هنا كان هيرجع جنوب افريقيا في اكبر مهمة تدريبية ومستفيد من تدريب الأهلي وماشي وهو محقق كل البطولات اللي لاعبها ولكن موسيماني قرر يكمل حلمه مع الأهلي اللي شايفه الأعظم في افريقيا حتى لو دي مغامرة ممكن يدفع ثمنها
رفض موسيماني تدريب المنتخب دفع ثمنه داخليا وبدأت حملات تشويه صورته والهجوم عليه . بعد ما موسيماني فاز على صنداونز في مصر في ناس كتير في نادي صنداونز حسوا ان موسيماني احرجهم وموسيماني لم يقبل ابدا التقليل من الأهلي ورد بقسوة على مدرب صنداونز والردود دي استغلها البعض في جنوب افريقيا عشان يصفي حساباته مع موسيماني.
موسيماني اشترى الأهلي على حساب كل شئ رفض المنتخب وخسر قطاع كبير من جمهور صنداونز بس كل ده مقابل انه تمسك بالأهلي. اختلف او اتفق مع موسيماني في تفاصيل فنية زي ما انت عايز بس اقل شئ نقدر نعمله إنسانيًا اننا نحسسه ان جمهور الأهلي معاه في اللحظات دي وانه مخسرش حاجة انما كسب اعظم واكبر جمهور في القارة
اللي يحبنا نحبه ونشتريه بالغالي 
ادعم الموس
ادعم الموس 
