دعوة تظاهر 11/11 السيسي خرب البلد ورفع الاسعار ودمر التعليم وخرب الصحه وعوم الجنية المصري وفشل اقتصادي

كتب نزية عتيق

انا محتاج مواطن عاقل يرد عليا السيسي عمل قناة السويس عمل طرق وكباري عمل اكبر شبكه سكة حديد عمل انفاق وشبكة طرق تربط كل شبر في مصر عمل مبادره مليون صحه عالج ملايين المرضي من المصريين عمل اكبر مشروعات سكانيه بنا صرح عظيم يجمع كل وزرات مصر في مكان واحد في العاصمه الادارية الجديدة عمل حي السفراء في العاصمه الادارية الجديدة عمل قصر رئاسي ومبنى لجهاز المخابرات المصري في العاصمه الادارية الجديدة حدث كل قريه علي مستوى الجمهورية دخل لها ميا وصرف صحي ونور وغاز ونت حدث كل البنيه التحتية والبنية الاساسية سلح الجيش المصري افضل انواع الاسلحة عمل مدينه متكمله اسمها الاوبرا المصريه استصلح ملايين الافدنه الزراعية عمل اكثر من مصنع وصوامع لتخزين الاقمح والذره حكم مصر حكم من حديد حافظ علي كل شبر فيها ضحي بي 800 شهيد من ابطال القوات المسلحة غير 480 مصاب من ابطال القوات المسلحة ده غير ابطال وزارة الداخلية الذين استشهدوا من اجل الحفاظ علي أمن واستقرار الوطن يا شعب مصر كلها بلاش ننسي الايام السوداء ايام طبور العيش وطبور الغاز وطبور السولار وطبور البنزين والبلطجية الي كانت بتخش علي الاسر المصرية الغلابه في المنازل كل ده اتنسي عندكم نسيتو اللجان الشعبيه الي كانت بتقفل الشوارع طول الليل الي بعد كده نصفهم تحول لتسبيت السيارات والتعدي علي كل ست مروحه ويفتشوها خلاص انا معاك يلا نشيل السيسي ونشيل الحكومه ونخرب البلد تاني ونفضل عشر سنين مختلفين ونمزق في الدوله وكل اللي محصلش من الدوله حاجه في الثوره اللي فاتت يخدها في الجديد مصر دي ربنا حماها وحفظها مرات قبل كده عشان شعبها طيب ونضيف وبيحبها والثوره اللي فاتت كانت مطالب الشعب المصري عيش حرية عداله اجتماعية وتحولت لخراب ودمار وحرق المقرات والمنشأت الحكومية ياعم يامحترم ياللي جي تحاسب رئيس استلم البلد محروقه خلاها اجمل بلاد العالم عمل مشروعات متعملتش من متين سنه في مصر نظر للفقير اللي كان بيموت من الجوع والعطش والنور كان بيذاكر علي اللمبه الجاز وكان بيمشي ساعه عشان يجيب جركن مياة يشرب فوق ياشعب مصر احنا كده الان بنحاسب الي انقظ شعب كامل وبنتهموا بالتقصير والفشل واحنا بصراحه الي فاشلين عشان مش عارفين الصح من الغلط بقول غلاء معيشة انت عندك ارخص الاسعار مقارنه بدول العالم بتقول خلانه مديونين اه بس كل الديون متصرفش اكل وشرب لا كل الديون في مشروعات عملاقه هتسدد الديون ولما حضرتك بتتكلم عن الديون هو السيسي استلم مصر مسلفه دول العالم ولا استلم مصر خرابه مولعه ومستلفه من دول العالم بس كانت مستفله للاكل والشرب والعلاج يعني كنتم وخدين حقن مسكن مش علاج الان حضرتك عندك افضل شبكة سكه حديد عندك افضل شبكة طرق تربط مصر كلها عندك اكبر مشروعات زراعية عندك قناة السويس عندك الالاف المشروعات السكانيه عند جيش قوي عند شرطة علي كل شبر في كل شارع في كل طريق زراعي او صحراوي عندك امن واستقرار وتقول فشل انت كده بصراحه الي فاشل مش شايف حاجه ولا سامع لحد غير للي عايز يخرب البلد متقولش بقا العيب في السيسي والحكومه لان كل مواطن بيمشي علي الطرق وبيشوف الفرق الان من قبل كده كل مواني مصر تم تحدثها هى دي كمان مش عرفنها ممكن بس ده كلها تقصير من الاعلام عشان الاعلام اول سلاح ممكن يقتل وممكن يحمي ويحافظ علي البلد لو الاعلام المصري اللي بيفضل يرغي بالساعات يبطل رغي ويصور الي اتعمل في البلد ويظهرو لشعب المصري كل الشعب المصري هيقول اسفين ياحكومه انما الاعلام بيصلط الضوء علي حمو بيكا وشاكوش مع احترامي الشديد ليهم طبعا بس المقصود إن الاعلام يصور مباشر كل شبر في مصر تم انجازه عشان منظلمش حكومه تعبت من اجل البلد والمواطن والان عايزين نشلهم ونجيب واحد يستلمها علي الجاهز وننكر تعب وجهد الي انقظ مصر من الهلاك ولف العالم عشان يفديها وقال فداكي نفسي يامصر وتحيا مصر ام الدنيا وانا بحمد ربنا اني مش سياسي ولا بفهم في السياسيه انا كتبت كل الي انا شيفوا من وجهة نظري عشان ماكونش في يوم ظالم وناكر للجميل