البوم الذكريات

لو
يوم
قالوا لي :
إنـه فــات
عَدَّى وخَدْ مِنِّي رَقَاتْ
لَامِمْ
فـي إيديه
يَامَا حكايات
حكاية طَلَّة فوق الجبين
وحَلَق
وغَمَّازْتِين
حلـــــــوين
وَيَّا ضفيرة شعر البنــات
كانت
تتمايــل
و تِسْـــرَحْ
تحلم وامتى الوقت يسمح
تكون لفارس من السادات
لَقِتْ
في ليلة
ويــــــوم
خيوط القمر
فضــــة بين الشَعْرَات
والفضة
جدايـــل
تحكـــــــي
بينها وبين الزمن حـــــوارات
دول
كدابين
لو قالوا
دَارِي ضحكتـــــك بِسُكَاتْ
خبيها
لَاجْلْ
في يوم
تلاقي لك منــــــها فُتَاتْ
ضحك
النهاردة
بكـــــــره
راح يبقـــى مـــــــ الذكريات
لو
قالوا لي
خـــــلاص
حلـــــم اللي جـــتي مبقـــاش
هرب
ووَلَّى
ومات
راح أقولهم
كل اللي قـــــــال… كـــــــــداب
أتاري
مش
كدابين
انا اللي بينهم من الغافلــــــين
العمر
مني
اتسرق
وأنا في حيرة وقلق
راحــت حاجـــــات وحاجــــــات
بتشعبط
في أيامي
بَتْشَعْبَط
في أحلامي
جايز الاقِي صورتي
اللي في البـــــوم الذكريـــــــات
بقلمي / مايسة إمام