ثقافة
من كتاب” الدنيا وناسها” للأديب عصام السنوسي
كتب خالد عبد العزيز
مُدمِن واقِع
ــــــــــــــــ
سيبك من العواطف ، وخليك في واقع بيساوم حلمك المسلوب ، يسرق منه آخر بصيص أمل ويبادلك حلم أصعب إنه يتحقق ، سهل عليك إنك تبدأ من الصفر كل مره ، تسايس نفسك بوعود كدابه قادره تخدرك وتعيشك راضي ، مش نافع إنك تتخزل ، تتاخد من نفسك تاني للحزن والسهر وغربة المغلوب ، عارفك مكابر ومصاحب الهم ع الآخر ، رامي طوبتها ، مطرح ما ترسي تدق لها ، مجبور تستني لحظه جايه ومعاها الفرج ، يغلب الصفر القديم ، ينبت زهور حلمك ، ويحرك عواطفك