الأدب و الأدباء
نفسي أقول
نفسي أقول
مقدرش اقولك غير بحبك
واقولها من بعيد ف رساله
ما انا عايز اعرف بس قلبك
احسن تحصله مني حاله
اصل انا من ساعه ما شفتك
وحبي ليكي نساني طبع الرجاله
كاني بقيت مش موجود
وقلمي بطل و قال بزياده
بصيت عليكي لاقيت الخدود
احمر مني كالعاده
جريتي ورحتي وسط البنات
و ضحكتك علي وشك بتغني
وانا واقف بين العربيات
باصص عليكي و مستني
وخايف لا تروح مني بعيد
تسبيني بالجرح اللي فيا
وانا قلبي من النار بيقيد
ومش شايف غيرك حواليا
اصل لما بابص ليكي
ببقي تملي سرحان
عشان لو لمست ايديكي
مبقاش العاشق الولهان
الشاعر ابرام كمال