متابغة / محمد السمان
ده واحد من سكان المنيل كان هناك
كله عمال بيفتى و كله عمال بيحكى عن الحادثه ما بالك بقى ان انا كنت فيها و شايف كل حاجه بعينى….بيان حصرى منى انا بأكثر من ٦٠ حالة وفاه ملهاش ملامح و أكثر من ١٧ عربيه محروقه حسبى الله و نعمه الوكيل فى الكان السبب…انا شوفت واحد مجمع امه فى صندوق و نازل بيها من معهد الأورام…انا شوفت دكتور كان معاه حاله فى العمليات نازل بيها و شايلها و هى متبنجه من غرفة العمليات على الشارع على عمليات القصر العينى..انا شوفت أطفال كتير محروقه انا شوفت أشلاء كتيره و بحر دم…انا شوفت العمرك ما هتتخيلوا انا شوفت ناس كتير متوفيه من شدة الانفجار طاروا و نزلوا فى النيل….عن اى شىء تتحدثون..
القصه كلها ميكروباص دخل عكسى محمل نسبة متفجرات كثيره جاء من طريق لا أحد يتوقعه ان يجى عكسى فى الطريق اصتدم بسيارة أمامه انفجر هو و ١٧ سياره اخره مما أدى إلى اشتعال النيران بكثافه على باب مدخل معهد الأورام مما أدى اى انفجار أسطوانات الأكسجين داخل المعهد و انفجار التكيفات بالمعهد و اشتعال جميع الأشجار حوالين المعهد و على النيل و انفجر معهم بعض مواسير الغاز امام المعهد….وشكرا اتوفى الكثير من المرضه بالمعهد و اصحاب السيارات و أطفالهم و الماره فى الشارع و الواقفون بالمحطه امام المعهد …البقاء لله …شهداء عند الله…مصر بلد المليون شهيد…مصر كتب عليها البكاء دايما…اهالى المنيل فى حالة لا توصف …اهالى المنيل فى الشارع لحد الان…و طبعا شكرا للاعلام الكاذب على ما يتم نشره…شكرا لكل واحد عارف الحقيقه و سكت..ربنا هيحسبك كويس اوى يوم القيامه..
حسبى الله و نعم الوكيل….حسبى الله ونعم الوكيل.
