شعر
وجع
بقلم أحمد كاجو
وجع الوجع اصلا
موجوع بآوجاعه
شال الغريب خاطرك
اما القريب باعه
متسبش اصل الجرح..
وتداوى اتباعه
كل اللى قالوا معاك ..
بعد الوعود ضاعوا
ف ازاى هتبقى سعيد
و الجرح فيك ومعاك
وازاى يعيش قلبك
و النبض مش وياك
جربت تمسك ايد
فيها الكفوف كارهاك
جربت لما تعوز
الحضن متلاقيهوش
وجع الوجع اصلا
راح للي ما يداويهوش
وبقينا نور وخيال
في الضلمة متقابلوش
و نسينا راحة البال
و اتعددت لسباب
مين فينا كان صادق
مين فينا كان ..كداب
زرع الفراق شوكه
ما بقينا حتى اصحاب