عيشها صح ،
بقلم / كريمة الشقري ،
.
كل واحد فينا له حسناته وعيوبه لكن ياترى الحسنات أو العيوب دي اتولدت معاه ؟ طبعاً لأ .لأن معظم صفاتنا اكتسبناها من الدنيا حوالينا.يعني الصفات دي اكتسبناها لما عملناهاواتقناها واتعودنا عليها وبعد كده بقت صفة وطبع فينا .مثلاً الفاشل متولدش فاشل، لكن فشل مرةومحدش ساعده واتعود إنه يفشل فخلاص أصبح الفشل طبع فيه.وبرضه الناجح نجح مرة واتقن النجاح وبعد كده أصبح النجاح طبعه. والضعيف نفس الشيئ اتعود على الضعف ومحاولش يستقوى فأصبح الضعف طبع .حتى الحزن اوالإكتئاب دول كمان نتيجة إن الإنسان بيحزن ويمارس الحزن ويتقنه فبيتلون بلون الحزن وبيصبح الحزن صفة فيه. ليه دايما بنمارس ونتعود ونتلون بالصفات السلبية. ليه منجربش نتعود على النجاح والقوة والفرح ونتقنهم ويصبحوا طبع فينا، ،، ليه ؟ ليه كل واحد أو واحدة بيعجبهم أوي إنهم يعيشوا دور الحزين المهزوم إللي عنده مشاكل ومصايب ،،؟ ليه منغلبش الحزن بالفرح والضعف بالقوة ونتعود عليهم مرة واتنين ؟. صدقوني حنلاقي نفسنا بقينا سعداء وفرحانين وبقينا بنتحدى الضعف والهزيمة .ليه منغلبش الفشل بنجاحنا ومحاولتنا إننا منفشلش ؟ والله لو نظرنا للدنيا بعين الرضا والتفاؤل راح نشوف كل حاجة منورة ومشرقة .
