الكنتاكي والبانيه علي أصوله ،، ولا أروع 

— بنجيب فرخه مش كبيره ماتزيدش عن كيلو ونص وننزع الجلد كله منها ونقطعها 8 قطع ،،
— نغسلها كويس جدا وننقعها ف نص كوب خل ربع ساعه عشان اي دم يقف من الفراخ
— نشطفها ونسيبها ربع ساعه تتصفي من الميه ونعمل فيها شقوق بالسكينه

#التتبيله …..

— بيضه مخفوقه ونضيف عليها 3 فصوص توم مفرومين ناعم ، بصلة مبشورة بالمبشرة مش بالكبة —( عارفاها المبشرة دي )— ، معلقه صغيره من كل التوابل دي … بابريكا وكاري وكركم وزعتر وفلفل اسمر وشطه حسب الرغبه ومعلقه ملح ، معلقه كبيره نشا وزيها بيكنج بودر ، 3 معالق خل ونقلبهم كويس ..
— نضيف عليهم كوب دقيق ونقلب وبعدين نبدأ نضيف ميه تدريجيا لحد مانوصل لقوام اخف شويه من قوام الكيكه
— ناخد الفراخ ونضع القطع في الخليط السابق ونسيبها حوالي ساعتين تلاتة ،،
— وقت التسويه نحضر في كيس نايلون كوبايه دقيق ابيض عادي ولو عندك دقيق #اصفر بيكون افضل كتيييير ونفس التوابل والنشا والبيكنج بودر وناخد قطع الفراخ ونغمرها بالدقيق بدون لمسها نحركها ف الدقيق وهي داخل الكيس يعني مش هنبطط الفراخ عشان نحصل علي الشكل المتعرج وتقلي في زيت ساخن غزير لمدة 5 د ،، ونقلل الحراره ونسيبهم 10 د تااني ،،
— نطلعها م الزيت ونصفيها علي ورق مطبخ تنشيف ..
— تقدميها مع ارز بسمتي او مكرونة بالخضار وسلطة خضراء …