كتب.. عاطف انيس
تقريبا كل الناس دي معرفتش ايه سبب اهدار الفرص البدري كان معاه ازارو ومروان ومعرفش يعالج المشكله الرهيبه دي ولاسارتي كمان فشل في نفس المشكله حتي فايلر فشل في حلها وموسيماني محاولش اصلا يحلها برغم معرفته بيها
عندنا حاليا بواليا ومروان ومحمد شريف مهاجمين والتلاته اساتذه في اهدار الفرص الساهله تقريبا الجون بيتقفل قدامهم مرمي تسعه متر قدامهم ومع ذالك بيضيعو بسهوله كميه فرص ساهله كفيله تجبلك انت گ مشجع شلل
انا مش عارف ده استهتار منهم گ مهاجمين ولا سحر ولا هما لاعيبه فاشله ولا المدرب مش بيشتغل علي المشكله مش فاهم ليه الفرص دي بتضيع معانا يعني مروان كان هداف في الاسماعيلي وبيجيب اهداف من اقل فرصه ليه لما بقي لاعب في الاهلي بقا استاذ في اهدار اسهل الفرص
محمد شريف راح انبي سنه كان هداف الدوري ولما رجع الاهلي بقي نسخه من مروان
بواليا كان هداف الدوري ولما جه الاهلي مش عارف حتي يجيب هدف من كميه الاهداف ال بيضيعها
حد يقولي ليه الفرص دي بتضيع معانا ليه احنا گ مشجعين للاهلي دمنا يتحرق كل ماتش بسبب الفرص اللي بتضيع دي
ياتره ده استهتار ولا رعونه ولا لا مبالاه ياتره الاعيبه دي مستواهم كده ومش بيعرفو يجيبو الاهداف الساهله ياتره موسيماني مش لاقي حل
حاجه غريبه كل المدريبن دول ومعرفوش ليلاقو حل لاصعب مشكله في الفريق
حتي حسين الشحات بقي استاذ اهدار فرص واقفشه مع كميه مساهماته وصناعه الفرص بيكون سبب كبير في اهدار الفرص مش عارف العيب فين هل العيب في الاهلي ولا العيب فينا گ مشعجين ولا العيب فيهم هما گ لاعيبه ياتره الاعيبه دي مستهتره ومعندهمش طموح
اخيرا ياتره حارس كل الحراس اللي بتواجه الاهلي بتعمل سحر زي حارس فيتا هل ده طبيعي حد يقولي السبب فين والحل اية
