عصفور النور المتعايق بجمال الخد
نعسان على حلمه المضفر بعبير الورد
البدر بيعشق فى سكوته
والشمس بتصحا على صوته
ولا خايف من كسر جناحه
ولا شايل ف القلب جراحه
ومكحل بالغنا أيامه
وفراشه … بتحلِّى منامه
والنسمه على شيش شباكه
تتزوء من عطر كلامه
واهو فارش م العمر حلاوته
وبينقش على بكره غرامه
وبيشرب من ضحكة نجمه
ويسافر مع سرب حمَامُه
وسلامه … شجرة نعناع
تفتح للضله طريق
لون الفل يبل الريق
عصفور النور المتحنى ببراح الكون
وش السما ف عنيه بالون
وعيال بتمطر تنطيط
ومراكب ف البحرعرايس
والموجه ع الشط شماسي
وطيور النورس حواديت
تتشاقى على صدر صبيه
وبترقص على وش الميه
وزهور وعطور ف المدى تمتد
عصفور النور المتعايق بجمال الخد
كلمات الشاعر سليمان خطاب
