ديوان،،، محدش غيرى

بقلم الشاعر أشرف عتريس
أختير من ضمن أحسن مائة شاعر عامية على مستوى مصر والشرق الأوسط،،،،

متابعة خالد عبد العزيز

بصرينى واقتلى فيا العتامه ..
خللى الخوف يهجرنى وينتفض للرحيل
شيلى آخر عقدة نقص مخلوطة بدمى
شاورى على ركن الغياب جوايا وشدى منه السر الغريب ..
لما بكون كل يوم بحاله ومؤذى وقت الشدة حتى معاكى ..
غرقان فى الوحل ساعات وساعات بظهر لك نبى شهوته مابتشبعش..
ياللى انتى واخداكى الحياة لملح الأرض ..
وبتحتمى بالدخان ، الفلسفة ، المزيكا بصوت الرعد
والرقص فى عز المطر ، دوامة المفتون والمختلى واللامحتجب ..
يا نفس بتحقق عزلتها بالرضا ..
خلينا ندوّر على بعض ..