كتب.. عاطف انيس
✖️محمد رمضان اتصور مع الأسرائليين في حفله برايفت في دبي والحفلات دي غالبا بيبقي الحضور عارفين بعض لأن لو هو حد بيدعيه الطبيعي لأي فنان بيسأل المكان ده مين صاحبه ومين هيحضر الفنانين العاديين مش النجوم بيعملوا كده وفي مصر مش برا.
✖️اتصور مع شلة اسرائليين ومعاه اعلامي اماراتي مسألوش ومفكرش يسأله مين دول اللي بيتصوروا معاه واحد ورا التاني خاصة ان الأعلامي الأماراتي ده مشبوه ومعروف بالحركات دي.
✖️ خلينا نقول مكتش يعرف واهو دلوقتي عرف واتفضح متبقاش مبرراتك جاهله وتقول لكم دينكم ولي دين انت كده مبعدتش الشبه عنك انت لبستها فيك اكتر لأن الطبيعي وزي ما حصل مع فنانين قبلك بدون قصد حقيقي منهم طلعوا بيانات يعتذروا ويرفضوا التطبيع وبالتالي حطوا الصهاينه في موقف مقرف شبهم انهم عالم ناقصة وسليطة.
✖️ في الفترة الأخيرة خد اقامة ذهبية وعربية رولز رويس غالية جدا وده طبيعي يسير الشبهات عليك فكان طبيعي يكون ردك سريع لكن توترك وانك تكتب وتمسح وترجع تبرر خلاك في موقف زي الزفت انت وكل المعرضين اللي تبعك.
✖️ مش العادي بتاعك انك بتتصور مع جمهورك وتحط ايدك علي كتفهم وتحضنهم ولا انت بتقدر جمهورك في دبي اكتر من مصر .. والفيديو اللي انت حاطه علي آية قرأنية يدينك مش يشيل التهمة من عليك.
✖️ كده كده هتخرج من الأزمة دي بس هتخرج خسران كتير اوي من جمهورك ونقطة سودة في تاريخك بسبب جهلك لأنك من الواضح مبتعرفش تتشطر غير علي زمايلك الفنانين في المزيدات والناس الغلابة وراك بتدعمك في اي تريند لكن المرة دي مش هيبقوا معاك لأنك دخلت في منطقة خطر.
✖️ اما اللي بيدافعو عنه وبيحكوا الموقف وكأنهم كانوا معاه في الوقت اللي هو نفسه بيكابر فيه ومش بيعترف بيغلط فأنا مشفق عليكم والله لأنكم اخطر عليه من نفسه وياريتكم بتستفادوا حاجه من وراه كبيركم تتصوروا معاه مرة كل كام سنة وكأنكم اصحاب يعني.
✖️ أسوا مصائب الجهل ان يجهل الجاهل انه جاهل.
