كتب.عاطف انيس
اللي فاهم ومُدرك حجم الضغط والصعوبات اللي هيشوفها في الاهلي غير اي مكان تاني دي حاجة بتزرع شعور من الطمأنينة بالنسبالنا كجماهير ، موسيماني من قبل ما ييجي الاهلي كان بيتكلم بشكل كويس جدًا عن الاهلي وفاهم طبيعة الجماهير وعارف ان مهما تحصل على بطولات برضه الجماهير جعانة وطمعانة في البطولة اللي بعدها ، وهو ناجح جدًا في قيادة الاهلي لحد الآن ومخسرش ولا بطولة لحد وقتنا هذا ، عندنا مدرب كبير وفاهم هو بيعمل ايه كويس ودارس كل صغيرة وكبيرة ، يمكن قبل اي ماتش كبير بنبقي مطمئنين إنه هيحضر كويس للماتش وده مش سهل أبدًا انك توصله مع علاقتك بالجماهير خصوصًا في الاهلي .. احنا واثقين في موسيماني والجهاز اللي معاه انهم هيوجهوا اللاعيبة بالشكل الصح بإذن الله .. كل التوفيق يا مستر وتكتب التاريخ بتحقيقك لبطولتين على التوالي .
