مصر
– بهدوووووء لازم الكل يبصم بالعشرة إن الأهلي غير والله القصة مش أهلي وزمالك
كتب.. عاطف انيس
بس فعلاً الأهلي غير دولة ليها أحكامها وقوانينها ومبادئها وشعبها الثائر دوماً ..
– في الأهلي لو بصيت هتلاقي نجم الفريق حالياً والأكثر فاعلية هو محمود كهربا 6 أهداف خلال الفترة الأخيرة والأكثر محاولات على المرمى والجوكر الهجومي للفريق يمين وشمال وزي ماقولنا الأكثر تهديفاً ، لكن بمجرد ما خرج برة قواعد المنظومة سواء بالحديث مع موسيماني بشكل غير لائق أو حضوره فرح لأحد أصدقاءه ، كان رد الأهلي سريع وفوري بعقوبة ثنائية “تجميد وخصم فلوس” بل وتحذير شديد اللهجة .
– بس ياعم الأهلي عنده مواجهات من نار طظظظظ ، ياعم بقولك دوري وأفريقيا وموقف صعب طظظظظظ ، إفهمني بس انت كده بتحرم الأهلي من أهم أوراقه وماله أحرم الأهلي من أهم أوراقه لكن محرمش الأهلي من هيبته وقييمه ومبادئه .
– ماهو إفهم حضرتك قيمة وعظمة ومبادئ الأهلي تتقاس في المواقف دي وإرجع لعمنا صالح سليم لما قال على رقبتي لو فرطت في مبادئ وحقوق الأهلي ، البطولات تتعوض لكن قيمة وهيبة ومبادئ الأهلي مينفعش تستغنى عنها وجمهور الأهلي أساساً مش هيسمحلك تتنازل عنها .. عرفت حضرتك إيه سر عظمة النادي الأهلي