كتب_السيدالاعرج
قام الإعلامي عمرو أديب، خلال تقديمه حلقة الأحد من برنامج “الحكاية” على قناة MBC مصر، بتوجيه رسالة للفنان محمد رمضان حيث أوضح فيها أنه لم يهاجمه ولم يفتح النار عليه، كما ذكر فيما نشره على حسابه بموقع “إنستجرام”.
وذكر عمرو أديب: بالأمس انهركان يتكلم مع ممثل شاب يعمل في إعلان مع الفنان الكبير محمد رمضان، وكان الكلام معه عن عدم وجود وسائل أمان في الإعلان ما أدى إلى إصابة هذا الشاب، ولولا ستر ربنا لربما كانت إصابته أكبر.
وقال إن : “الشاب قال الراجل المسؤول عن المعارك والمفرقعات شبه هدده، ومحمد رمضان لم يأخذ بخاطره قوي، ولم يهتم به، وقال له عاش يا بطل. وقال لم نقم بالهجوم على محمد رمضان خالص، وعلى فكرة علاقتي برمضان جيدة، وعملت معاه لقاءات كتير.”
وتابع أيضاً : “النهاردة فوجئت بنمبر وان منزل بوست، إعلام بلدي، أنا متعور، اتحرقت، محدش معبرني، وعمرو أديب فاتح النار علي. طبعا واضح من الكلام ده إنه ما شافش، سمع.”
وفي رسالة لمحمد رمضان، قال: “عندما تكون نمبر وان، أو بلاش نمبر وان علشان دي مسألة فيها كلام، عندما تكون فنان كبير يجب أن يكون عندك مسؤولية اجتماعية. إنت بتشتغل في مكان حصل فيه مشكلة، إنت كبير الكلام ده، تروح للشاب ده وتسأل عليه، وتكلم أمه وتطمن عليها، وتقوله تعالى يا ابني أوديك مستشفى وآخد بالي منك وأعالجك.”
وأضاف: “أنا طبعا قلقان عليك إنك إتحرقت واتعورت، إنما الغلبان التاني لازم أقف جنبه وآخد بإيده، لإن حضرتك ألف مين يعالجك ويقف جنبك، إنما ده غلبان ومحدش عبره ولا سأل عنه، ده دوري كإعلامي. وعاوزك تفكر في حاجة، إنت مش مستغرب إنه في ثلاثة أيام، في إعلان ومسلسل، في إصابتين؟ مش ده يخليك تفكر شوية في تأمين الشغل بتاعك؟”
