مصر
بطل أفريقيا يعود بصيد ثمين من الكونغو :
كتب… عاطف انيس
حقق النادي الأهلي فوزاً كبيراً علي فيتا كلوب الكونجولي بثلاثية نظيفة أحرزها محمد شريف وأفشة و طاهر محمد طاهر ليرتفع رصيد الأهلي إلي 7 نقاط ويصبح في حاجه إلي 4 نقاط فقط من مباراتين ليضمن التأهل رسميا الي دور ال8.
شوط أول نموذجي :
أشادة واجبة للمدير الفني للفريق مستر موسيماني علي أداء الفريق خلال أحداث الشوط الأول من هذه المباراة من حيث التشكيل والشكل الفني داخل الملعب من حيث التنظيم سواء دفاعيا أو هجوميا جعل من خلاله فريق فيتا كلوب بلا أي شكل خلال أحداثه باستثناء الكرة التي ارتدت من القائم بخلاف ذلك الهدف المبكر الذي أحرزه النجم محمد شريف من تمريرة سحرية من مروان محسن ليتصدر الاهلي المشهد من خلال الضغط علي الفريق الكونجولي علي أرضه وإظهار شخصية الاهلي بطل أفريقيا من خلال النزعة الهجومية من التوليفة الأمامية للفريق المتمثلة في شريف وأفشةو أجايي وأمامهم مروان محسن ودخول شريف كمهاجم خفي يظهر بدون رقابة قادم من الخلف ولعب أفشة بحرية غير مقيد فتاره تجده علي الطرف الأيمن وتارة أخري في الوسط ملخص الكلام اللامركزية اللي لعب بيها الرباعي الأمامي عملت خلخلة في دفاع فيتا كلوب ولو ركز أفشة ومروان محسن في الفرصتين اللي اتاحت ليهم كانوا خرجوا الشوط الأول برباعية ده غير هدف أفشة الجميل اللي كان فيه مهارة فردية عالية من صاحب القاضية .
الشوط الثاني :
بعد إصابة شريف أعتمد موسيماني علي طاهر محمد طاهر وده كان تغيير ممتاز من وجهة نظري قدر ينشط بيه الجانب الهجومي وكمان طاهر بيدافع كويس خصوصا أنك اخدت من المباراة اللي انت عايزه ومتقدم بهدفين وهنا لازم أشيد بالرباعي الدفاعي اللي تحمل علي كاهله هذا الشوط وخاصة ياسر ابراهيم قدم مباراة دفاعية علي أعلي مستوي أبتدي موسيماني يستغل التغييرات خاصة بعد ما أبتدي مروان يتعب وهنا دفع لوالتر بواليا وده كمان تغيير ذكي لأن ده الوقت المناسب للدفع لوالتر بواليا هنا أنت شيلت من علي كتفه الضغوط النفسية نازل في وقت مثالي الفريق كسبان فيه وكمان فكرة خروج أفشة المجهد بعد شوط أول كبير عمله وتغير الخطة ل 4-3-3 كان فكر ممتاز بنزول حمدي فتحي بدلاً منه لتأمين نص الملعب واللعب على المرتدات اللي نجح من خلال واحدة أنه يسجل الهدف التالت اللي قتل بيه المباراة بأسيست ولا اجمل من والتر بواليا لطاهر اللي مستناش وسجل الهدف اللي قتل بيه المباراة مع نزول الشحات بدلا من أجايي وبيكهام مكان أيمن أشرف رغم استحواذ فيتا كلوب علي الكرة الشوط الثاني برده مكنش ليه أنياب حقيقيه الا من خلال الكورة اللي جت في العارضة .
في النهاية مليون مبروووك للنادي الأهلي وجماهيره العريقة واحب اقولكم اصبروا علي موسيماني معاكم مدرب كبير متمرس في القارة الإفريقية الراجل ده معاه مشروع لازم الناس تصبر شوية الراجل معملش فترة إعداد لحد دلوقتي ومجبش الصفقات اللي هو عايزها الصبر فقط وستروا لاعبين بأذن الله ذو شخصية كبيرة يمتلكون الخبرات البطولات الكبيرة.