كتب…عاطف انيس
محدش تخاذل ولا حد حابب يضيع فرصة
عشان الناس اللي طالعة تسب وتلعن
وتسن السكاكين للفريق بجاهزه ولاعبينه
عيب موش جمهور الاهلي اللي يتخلي وقت المحن
وموش خسارة ماتش او حتي بطولة تكون هي نهاية المطاف
الناس اللي بتشجع بالحتة الكورة مكسب وخسارة
مفيش فريق في الكون بيكسب باستمرار
موش عيب ولا عار لو خسر ماتش
الاهلي موش مكتوب عليها فريضة لازم يكسب علي الدوام و اللا يكون كدا وحش ونمشي الدنيا كلها ونهد الفريق
عيب وعار عليك لو كنت اهلاوي بجد والاهلي حبيبك مجروح
ينفع حبيبك يكون مجروح وانت تدوس علي جرحه؟
ينفع تشمت الحاسدين واصحاب الحقد والغل ؟
حياتي الاهلي
انا موش زعلان من الاهلي عشان خسر ولا زعلان من اللعيبه
انا حزين لما الضباع الكناسة تستغل للحظة جرح الاسد عشان تجرحه بانيابها وابنائه بمساعدة ابنائه ..مؤلم جدا
جمهور الاهلي
عيب تسب لاعبينك علي صفحات واشخاص مشبوهة
عيب تسب اي لاعب وتحمله الخسارة
فيه جماهير بتفتخر بإنجاز غيرها وهم فرحانين جدا وهم اللي لسه دايسين عليوشهم من يومين وماشي وراهم ناس ما تستحقش تكون جماهير للاهلي .الناس اللي بيشجعو بالحتة ….هو مفروض اي نادي يكسب مدي الحياة ؟
واللا يكون وحش ؟ اقف جنب ناديك ومتفرحشي الغوغاء
.
الشناوي فداك ولا يهمك
انا موش زعلان منك انا بس مكنتش حابب اشوفك في الموقف دا موش اكتر
موش موقف الخطأ لانه عادي لكل جواد كبوة ودي كورة وارد فيها الاخطاء والتوفيق وعدم التوفيق والحظ وعدم الحظ
الموقف يا شناوي اللي ماحبتشي اشوفك فيه
ان تكون اناني
لان الماتش كان حق علي لطفي
لطفي اللي شالنا في التقيلة ماتش الزمالك مفروض نشيله في اللي اخف شوية ماتش سموحة ويقف هو الماتش عادي يعني جبران خاطر
وعشان كدا يا شناوي ربنا عاقبنا بسبب الظلم وبين لنا السبب
ولسان حال كل اللي شاف وفهم بيقول
زي مكان الحارث سبب الفوز في ماتش الزمالك
كان الحارث سبب الخسارة في ماتش سموحة
عشان الظلم واضح لان التوفيق مرتبط بحسن النية
وربنا يعطي الحيلة لقليل الحيلة عشان يحتار فيها صاحب الحيلة .
جمهورالاهلي
احذر واحترس دعاة الفتن والتفكيك
كل فئران الجحور هتظهر تنتقد وتهدم
شتيمة واهانة في الجهاز والفريق
ليه وليه اصله خسر من سموحة
لان فلان مفروض مايلعبشي ماعرفشي فين ولعب العكس
اصل كذا وكذا ومليون حجة ومليون سبب
احترس من اي كاتب يهدم فريقك
احترس من اي صفحة تنشر اسائة لفريقك
احترس من المحللين بتوع السبوبة
احترس من كل من يضع الاهلي تحت المجهر لتصيد الهفوات
ماتش وخلص و نطوي الصفحة .ونقطة ومن اول السطر
وديما بسم الله وعلي بركة الله وبنقول يارب
وزي ما بتقبل بالمكسب لازم تقبل بالخسارة
زي بامبتقبل بالافراح لازم تقبل بالحزن
وشوف فرحت مع الاهلي قد ايه
ان شاء الله شدة وتزول
وموقف ويعدي ومحنة وتمر
والقادم افضل باذن الله
ويارب النصر للاهلي
امين امين
..
