كتبت /غاده رمضان
المسافة بين الأرض و الشمس هي اللي حمت الكون من الاحتراق و التجمد .
المسافة بين الكلمة و الكلمة هي اللي خلتنا نعرف نقرأها و نفهم اللي بيتكتب .
المسافة بين العربية و اللي قدامها هي اللي حافظت على الأمان بينهم و عدم الاصطدام.
المسافة بين الكاميرا و الشخص هي اللي خلت الصورة تطلع حلوة.
ظبط المسافات و هندستها بدقة هي التي أنتجت كوناً رائعاً.
لو عايز حياتك تستمر بأقل قدر من الاحباط و الطاقة السلبية، احرص ان المسافة الآمنة دايماً تكون موجودة زي الشمس و العربية و الكلمة و الأمثلة اللي ذكرناها.
الخطوات المحسوبة مش معناها غرور و تكبر ، بالعكس خالص ، معناها انك عايز تحافظ على الاحترام و قدرك عند الاخر .
كل انسان عنده عيوب و اخطاء و مع اقترابك الشديد من هذا الشخص بتكبر في عينيك العيوب و الاخطاء كأنك قربت بعدسة مكبرة فالصورة بتفقد جمال تفاصيلها ، ليه ؟؟ عشان قربت أكثر من اللازم .
اوقات بنفتكر ان رفع التكلفة بيقربنا لبعض في حين ان رفع التكلفة قد يكلفنا الكثير اولهم خسارة هذا الشخص .
عشان كده ، لكي يبقى الجميل جميلاً، ابدأ من الآن بإتقان فن المسافات و على رأي أجدادنا زمان ؛
“ابعد حبة تزيد محبة
“
“
