بيني وبينك يابحر حكايات
يوم اشكيلك ويوم احكيلك واهي كلها رويات
وحكياتي كل يوم تتغير وانت يابحر ساكت عمرك ماتقدر تغير في حكايتي ولابسمع منك غير صوتي جواك
كل يوم بحكيلك وبشكيلك وبرمي جواك همي
يمكن بحكاياتي ليك يخف الهم عني
وفكل مرة اقول لنفسي دي هتكون اخر حكايه ومن بكره هكتم حكياتي جوايه
وارجع تاني واحكي مليون حكايه
اخرتها معاك يابحر فهمني معني السحر ازاي تكون ساكت وبرده بنحكيلك
يمكن سكوتك هواللي خلانا بنجيلك
طيب عارف حاسس بايه و اللي جوايا
نفسي احضنك واغسل حزني جواك يمكن بحضني ليك تنتهي الحكايه
حكاياتي كل يوم تتغير يوم احكي عن حبي ليها ويوم احكي عن حبها ليه
واختم الحكايه بالفراق معقول يابحر تكون حكاياتي معاها كانت نفاق
احلامنا ووعودنا والعشق جوانا مات
واكتفينا باننا نحط احلامنا جوه حكايات
وكل ليل هجيلك واحكيلك زكريات وحكايات
عن حب كان بيحييني ومات واهي كلها يابحر حكايات
