كتب: لطفي علي حسن
علشانك انت ياعبده هكتب عن الاموات
واندب انا حظي علي دم كل شهيد راح مات
ياخساره شبابنا اللي راحو واتحطو جوه التراب
ملعون ابوالارهاب
بيدمر احلام شباب وانتي يامصر كل اللي فيكي مش ارهاب كلاب
فيكي الجنة ونعيمها وفيكي الطيبة والهيبة وديما نغنيلها
فداكي ياام العروبه وبدمنا نفديكي
وهنبني الف طوبة ومن الارهاب هنحميكي
علشانك انت ياعبدة هكتب عن الاموات
وقلب ام الشهيد بيرقص من الفرحة تزغرط يوم ماتسمع ان ابنها عريس التراب وعروستة الجنة متزينالو بالف طرحه
افرحي يا ام الشهيد ومتحزنيش الشهاده لينا شرف وتحيه للشرطة والجيش
وهنلغي حالة الحداد ونبدا بايدنا الفرح رجالة ياولاد محيتو بايديكم ارهاب وعيشتونا في الامان
وملعون ابو الارهابي خاين جبان
ارتاح ياعبدة وريح ياصحبي بالك هناخد بايدنا ياصحبي تارك
