كلمات شريف الجيار
وقف الجدع كالسبع
بسلاحه عالجبهه
الشمس ضله
والقصه مش سهله
شايل ف قلبه وطن
جريح بيندهلوا
و عهد واجب الوفا
لشايبه و لكهله
الأرض لازم تعود
و لو بدمك تجود
وتارنا ما نسيبه
لعدونا بجهله
لان الحديد ف إيديه
و الصعب سهل عليه
طوى جبال الهزيمه
و جالنا على مهله
شايل أكاليل غار
و خللى ليلنا نهار
بالنصر ويا الفخار
و حرق عدانا بنار
و رجع بكل تواضع
يبوس إيدين أهله
يستاهلوا كل تحيه
و الله . يستاهلوا
