???? بشرع مين جوزتوها ؟ ????
لواحد أكبر من أبوها
بسهولة كده بعتوها
وياترى سألتوها
وافقت ولاضريتوها
طب على كده فهمتوها
ولامره واحده غصبتوها
عايزه أفهم ليه خلفتوها
عشان بس تذلوها
وبشويه فلوس تحطموها
دى ياناس طفله احتووها
ومن الخوف تحموها
مش وسط النار ترموها
???? بشرع مين جوزتوها ؟ ????
لمعة عينيها طفتوها
وعلى براءتها مسحتوها
ولطفولتها نهيتوها
وابسط أحلأمها ضيعتوها
أقل آمالها هدمتوها
وفرحة قلبها كسرتوها
وحلاوة الدنيا مررتوها
وفى يوم ميلادها كرهتوها
وفى العذاب هتعيشوها
فى حضن عجوز هتخنوقها
ومن وسط البنات هتقهروها
دا السجن أرحم اعتقوها
???? بشرع مين جوزتوها ؟ ????
زى الجاموسه سحبتوها
من غير رحمه دبحتوها
وبعدها قال بتزفوها
وبتهنوها وبتبوسوها
حققكم والله تعزوها
وأنتو ماشيين سمعتوها
وهى بتناديكوا تنقذوها
وبتصرخ عشان تخرجوها
قلوبكم ايه غلفتوها
وضمايركم دى خدرتوها
ومشاعركم خلاص جمدتوها
هى بنتكم ولا اشتريتوها
???? بشرع مين جوزتوها ؟ ????
شهور عدت مالمحتوها
ولا أخبارها عرفتوها
مش كفايه حسرتوها
حتى مافكرتوش تزوروها
وفى ليله قالوا إلحاقوها
دى بتولد تعالوا شوفوها
ياعينى عليها دمرتوها
وزهرة شبابها قطفتوها
دخلتوا عليها لاقيتوها
بصالكم عشان تحضنوها
وبتقولكم بنتى خودها
وزى ماربتونى ربوها
بس والنبى ترحموها
وفى نفس الثانيه فقدوها
???? يشرع مين جوزتوها ؟ ????
ارتحتوا لما موتوها
وبإديكم الأسيه دفنتوها
بالفلوس والأرض هترجعوها
بطمعكم للأبد خسرتوها
فياريت بنتها تصنوها
وعن أمها تعوضوها
واوعوا تانى تكراروها
والقسوة بقى تنسوها
وبالحب والدفا تعاملوها
وفى دراستها تراعوها
لحد ماتكبر تساعدوها
تاخد شهادتها وتساندوها
ولما تختار شاركها تجوزوها
هى دى بس الفرحه اللى هتحسوها.
????
