بيسالونى مصر عامله ايه
قلت حلوه
قالو حلوه يعنى ايه
قلت : –
يعنى جنة الله فى أرضه
يعنى نهر النيل بعرضه
يعنى لمتنا ودفانا فرحتنا وهنانا
يعنى لمتنا فى العيد ولبسنا للجديد
يعنى قعدة امى ويانا وسط الدار
يعنى مسلم والمسيحى الجدار فى الجدار
يعنى سعى ابويا ليل ونهار
علشان يطلع لبكره نهار
ويخلى الى جه عليها ينهار
يعنى مصر حلوه باهاليها
بدربها وشوارعها وحواريها
بمحاسنها ومساوءها ومبانيها
بكل الى عايش فيها
خلطه كده مش ممكن تتكرر حتي
سافر كده بره وجرب متلاء يش غير حضنها
فاتحه بابها لاهلها وكل إلى يجى عندها
ماهى أصل مصر الاصيله
وهيا بين العيله مصر الاصيله بفعلها
عرفتها يالى كاره حضنها
وشكرا
شعر أستاذه تيسير حافظ ياسين فى عشق مصر
