أنا اللي عنيا دمعتها
مافرقتها
أنا اللي مشاعري فاضحاني مخبتهاش
أنا اللي أديتو من عمري
سنين وسنين
وكان بيننا غرام وحنين
وبعد دا كله ياخسارة
نسيني وباع
وقلبي اللي أشتراه سابه
وفيه أوجاع
داويت الجرح بأديا
وقولت أنساه
ولما ياناس
أنا أتعودت ع الوحدة
وقلبي أرتاح
رجع يبكي بدمع عنيه
وقال ندمان
وسامحيني
أنا الغلطان
بقيت تايهة ومش عارفة
أرد عليه
كرامتي تقولي نتفارق
وقلبي يقول كفاية جروح
روح أبعد يلا وأنساني
وأنا هنساك
وجرب ذل ليل بيطول
علي المجروح
وجرب يوم تكون مشتاق
لحد يطفي نار قلبك
علي اللي يروح
وحاول تبقي زي الطير
يطير فالعالي ويحلق
وفجأة جناحه بقي مكسور
ساعتها هتعرف
أنتا عملت أيه فيا
وأيه راح يبقي ردي عليك
من كلمات الشاعر أحمد عبده
