الرحمة يا اتصالات
ولعتوا في المحمول
والدور علي الثابت
وفاتورته اهه ولعت
وأهوا بالورق ثابت
بتزودو في النكد
عايزنا نعمل أيه
ما كفاية فقرى الدكر
علي مبدأه ثابت
ده المعدة متعودا
ع الفول ولم تابت
ف الصبح بندمسه
وأتغدا بيه نابت
واللحمه لو شفتها
باصرخ وعارف ليه
أم العيال أصلها
من قرن فات جابت
ده أنا حتي من صدمتي
ف الهدمه لو دابت
لابتتبلع لقمتي
ولا عمرها طابت
والعيشة مرة وقرف
والغلب خدت عليه
ماكفاية م الخصخصة
حتي العيال شابت
ياأخوانا عيب أختشوا
كلمة ضمير غابت
وخلاص حرام البلد
بقي يسرق الظابط
والمصري ناقص قرف
بتكتفوا ف إيديه
ناقصاكوا هي أصلها
ولا البلد سابت
رؤوف علواني
