كتب / رضا علام
يواصل نادي أدب قصر ثقافة منصور حسن فعالياته ونشاطه الأدبي في الشعر والقصة القصيرة وتبادل الأمسيات الشعريه بجميع المركز الادبيه بمحافظة الشرقية في حمله لدعم الفنون الادبيه بالمحافظة .
كان من قبل في مركز فاقوس وكفر صقر ومن ثم العاشر من رمضان ومنيا القمح والزقازيق ويشارك في هذه الفاعليه نخبه من شعراء مدينة ابوكبير علي رأسهم الشاعر محمد عطا الله رئيس نادي أدب قصر ثقافه مدينه أبوكبير والشاعر محمد فتحي (شيكو) والشاعر علي نمر ومحمد المحمدي ومحمود ابراهيم ومحمود حسان تحت رعاية الاستاذ احمد سامي خاطر رئيس فرع ثقافه محافظه الشرقيه وبحضور نخبه كبيره من شعراء محافظه الشرقيه
وقد لاقت قصيدة الف فكرة للشاعر محمد شيكوا قبول جميع النقاد الحاضرون
واليكم قصيدة الف فكرة:
ألف فكره
فكره تفكر نفسك بيها
فاكر يوم ما الفكره اجيلك
فكرك يقدر أنه يفكر
فكرك يفضل عاجز خايب
لما بفكرك يوم تستهتر
عمر الفاكر ما كان في الفكره
سر الفكره انها تكمل
تبقي في واقع حسه وشايف
اصل الفكره في أنها توصل
وانا…
جوه مني ألف فكره
قادره تغير لينا بكره
قادره تحيي ماضي عدى
كان بالنسبه لينا ذكرى
جوه مني ألف فكره
نسد بيها أي ثغره
نمحي بيها أي جهل
ونبقى فعلا دوله كبرى
جوه مني ألف فكره
بالتسامح بالمشاركه
بالتحدي بالصمود
نقدر نعدى اي محنه
نهد نكسر الحدود
في اللحظه دي نقدر نكمل
مشوار حضارة الجدود
بضحكه حلوه في وش جارك
تطفي بيها كل نارك
تروح تزوروا وسط اهله
حتي لو في يوم ما زارك
تدي بيتك كل حقه
بالنصيحه والمشوره
دول ياما شقيوا تعبوا رابو
ليه تبقي ذيك ذي صوره
موجوده ليك علي أي حيط
فيدتها أيه بس صوره
بالعداله بالأخوه
بالتمسك نبقي قوه
بالتعاطف بالتراضي
بالتبني بالأبوه
بالاجتهاد في العمل
تعليم بورقه وبقلم
من رجوله في الطفوله
بالحب نرفع العلم
بالتحاور والتفاهم
ندي فرصه لحد فاهم
يلقي نظره يبني فكره
لو بحكمه ياريت يساهم
باحترمنا للقانون
بالرياضه والفنون
نقدر نعدي إي محنه
ضلامها يبقي بأيدنا نور
بصدقنا ويا الأمانه
بالعزه نوصل للكرامه
بالتبني بالتامل
بالعمل ودي الرساله
جوه مني الف فكره
قادره تغير لينا بكره
