كتب..د سامح كاظم
ل2022 وبكدة أصبحت مصر ملزمة بتطبيق الإتفاقية إبتداءا من الشهر القادم في 1/1/ 2019 تحديداً حسب تصريح وزير التجارة والصناعة… طب ايه هي الإتفاقية دي وإيه الميزة من تطبيقها يعني؟ ببساطة كدة إتفاقية ااGatt هي إتفاقية وقعت عليها 117 دولة من بينهم مصر بتوصي بإلغاء جميع الجمارك نهائيا علي سيارات دول الإتحاد الأوربي وأكثر من سلعة أخري بغرض تنشيط حركة التجارة بين الدول.. يعني بإختصار تقدر من الشهر الجاي تستورد عربية من أوربا ومتدفعش غير سعرها بس بعد ماكنت مطالب تدفع تمنها تقريبا للجمرك! الكلام ده معناه إن كل العربيات بلا إستثناء هترخص بشكل كبير عشان تقدر تنافس لأن إستيراد السيارات بقي ببلاش خلاص! يعني مش بعيد ترجع تلاقي الكيا سبورتاج ب300 ألف من تاني والهيونداي Ad ب170! والعربيات الصيني مش هتلاقي اللي يشتريها.. الكلام ده حقيقي ومؤكد مش مجرد تكهنات أو توقعات وبالفعل معظم المعارض النهاردة عاملين خصم أكتر من 25 ألف علي موديلات 2018 ودي عمرها ماحصلت قبل رقم ضخم طبعاً لما يخصموا مبلغ زي ده أمال هما كسبانين كام أصلاً! فياريت بقي لو بتفكر تشتري عربية الفترة دي تتقل بس الشهرين دول وهتلاقي الأسعار إتخسف بيها الأرض إن شاء الله وده مرة تانية خبر رسمي مش مجرد وجهة نظر ولا رأي… هو الخوف بس من حكومتنا تلعب بديلها وتحاول تفرض أي ضرايب بصورة تانية طالما قدمت طلب للتأجيل وإترفض. بس برضو مهما كان مش هيبقي زي الأول والأسعار هتقل هتقل لا محالة
طارق الكرداوى
