مقالات
.وحياتك ماتزعلش
بقلم / سامي كامل
اللى زعلان عالعيشة
ولا ارتفاع الاسعار
مياة كهرباء وغاز
ذيت وبا السولار
قمح سكر ورز
ولا سعر الدولار
حياة بقت صعبة
الحاجة ولعة نار
ماتزعل نفسك واللة
لاتفكر ولا تحتار
خد بعضك وسيبها
وعلى دول الجوار
السعودية شدت حزامها
وقفلت باب الزوار
الكويت جت حصلتها
ورفعت كل الاسعار
خد بعضك على سوريا
اهلها فاتولك الدار
حطام وخراب ماليها
وكل شىء منهار
مافيش لقمة تلاقيها
ولا بألف دولار
ولا مواصلة تناديها
ولا ركوبة حمار
جابوا عليها واطيها
والحال فانحدار
معونة عايشين عليها
صغار ويا كبار
لاطب حتى يداويهم
ولايتا ويهم دار
خراب من حواليهم
مرتزقة وكفار
طب ميل على ليبيا
قتل فعز النهار
فرقوا بين اهاليها
وفالوا دول ثوار
واليمن ياحسرةعليها
فكل حتة دمار
طب خليك فأروبا
حبسنهم جوة اسوار
خيمة لاكتر من عيلة
ووجبة لطول النهار
سجن فأرض غريبة
بعد ماكانوا احرار…
احمد ربك ياسيدنا
لك مكانة ودار
بلاد كتير تحاربنا
عايزانا يوم ننهار
بس جشنا ساندنا
وموفر عيش وخضار
وكل حاجة تلاقيها
ماتدقش فالاسعار
يارب بلدنا احميها
من خونة واشرار
دومها علينا نعمة
وأمن واستقرار
والخير يفيض علينا
بالعمل ليل ونهار
ونسبها كدة لولدنا
ف مجد واذدهار..
…………………….