بقلم / كريمةالشقري ،
لو سألوني عن الكلمة الحلوة قول أمي .
وعن الدعوة إللي م القلب طالعة قول أمي .
عن كل حاجة صافية وطاهرة قول أمي .
ولو قالوا مين اللمة بيه تحلى قول أمي .
ولو قالواقلبك ليه بردان قول فارق دفى أمي .
ومال ضلوعك ماليها الخوف قول فاتها حضن أمي .
ومال عينك غالبها الدمع قول وحشتها صورة أمي .
أنتي ياامه الحضن إللي كنت برمي فيه همي .
وأطمن وأنام وأحلم وأنا عارفة إن فيه أمي .
وأنا عارفة إن فيه قلب راح يشيل الأسى مني .
ولو ضاقت عليا الدنيا كنتي ياامه تضمي و تسمي .
وكنت أعلى وأنا بخضع واطاطي أبوس أيد أمي .
أنا ياامه بشوف صورتك في وش كل أم حنون .
وأكلمك وأنا ماشية وده ياامه والله ماجنون .
دا أنا بتونس وأجيب سيرتك عشان الهم دا يهون .
ومن بعدك وبفراقك ضاق ياامه عليا الكون .
ياإللي معاك أمك أوعى تفرط يوم فيها .
ولوبعت الوجود كله خليك دايما مراعيها .
نل منها الرضاوأسهر وكون تحت رجليها .
دي هيه الرضا كله والبركة والخير ماليها .
والله ماتقدر على الحسرة يا إللي ماكنت ترضيها .
دا أنا ياامه لو ترجعي أفضل تحت رجليكي .
ولو حسهر عمري كله حقك والله ما أوفيكي .
الله يرحمك ياامه والخير عني الله يجازيكي .
.
