مشروع_طفل

متابعة: حنان الشيمي

شيماء عادل تتحدث عن الطفل في كتاب من اصدارات دار البشير للثقافة والعلوم

عمرك مره لقيتي طفلك بقى أناني أو عنيد أو جبان أو عنده صفة سلبية و أنت مش عارفه إيه السبب؟!!
و كمان الصفة بتزيد كل يوم عن اليوم إللي قبله!!!
الطريقه إللي بنتعامل بيها مع أولادنا في المواقف اليومية إللي بنتعرضلها مع بعض هي إللي بتأثر على شخصيتهم، و ساعات كتير بنكون إحنا السبب في نمو الصفة دي عندهم…
الكتاب ده مكون من مواقف بتحصللنا كل يوم و إحنا مش واخدين بالنا إن هى السبب في إن أطفالنا عندهم الصفات السلبيه دي…
هتلاقي في الكتاب نفسك و إنت بتجيبي لطفلك الشيكولاته إللي عايزها علشان تخلصي من زنه، هتلاقي صاحبتك إللي بتشتكي من ولادها كل شويه و هم سامعينها، هتلاقي أختك إللي بتزعق لبنتها علشان مش راضيه تسلم على ناس أغراب……و مواقف تانيه كثير….
و هتلاقي في الكتاب برده حل لكل مشكله و طرق كتير لإصلاح شخصيه طفلك ……

الخطأ الثاني الليّ ساعات كتير الأهل بيقعوا فيه هو إنّ لمّا طفلهم بيخاف من حاجة مبيراعوش مشاعره ومخاوفه، ويقللوا منها ويحقّروها اعتقاداا منهم إنهم كده بيصغّروا المخاوف دي في عين الطفل، ويخلّوه ميخافش خلاص.
بسّ بالعكس الطفل كده بيحسّ إنّ محدّش حاسس بيه، ولا فاهم مخاوفه إيه، فبيفضل كاتمها في نفسه علشان لمّا بيقولها بيتريقوا عليه، فبالتالي بتزيد جوّاه يوم بعد يوم .

مشروع_طفل
شيماء_عادل
دار_البشير