الناشره/رانيا يوسف
ونقدر كلنا نعملها في البيت
نجيب نص كيلو كنافه طرح رفيعه وربع كيلو سوداني من غير ملح
ونحط طرحتين او تلاته فوق بعض خلف خلاف يعني ايه خلف خلاف يعني الطرحه بتبقى متنيه نحيه مقفوله ونحيه مفتوحه نحط واحده والتانيه عكسها لحد مانوصل للتخانه المطلوبه ونوزع السوداني عليها في الوسط ونتني الحرف اليمين حته صغيره ونلف والأيد التانيه قدام السوداني بترجعه لوره عشان ميقعش لحد مانخلص الفتيل ونلفه كويس ونحطه في الصينيه بالشكل اللي في الصوره النص كيلو هيطلع فتيلين ونسيح ربع كيلو سمنه ونزقيه وندخله الفرن على نار متوسطه
ده مخبوز في فرن بوتجاز عادي
ونعمل الشربات ٧٥٠ جرام سكر و٥٠٠ جرام ماء ومعلقه كبيرة عسل جلوكوز ويغلي ٥ دقايق ونوطي النار ونعصر نص ليمونه ونسيبه ٥ دقايق ونطفي واول ماتطلع الكنافه هيكون هدى الشربات نزقيها ونسبها تشرب حوالي ساعه اقل حاجه ونقطع ونعيش وبألف هنا
