كتب عبدالواحد شكرى
لقي شاب مصرعه بعدانتهاء مباراه كره القدم بين فريقي الاهلي والزمالك بكفرالزيات محافظه الغربيه ويدعي احمد عوده بضربه سكين اودت بحياته علي اثر خناق داربينه وبين شاب اخر والخلاف مجهول وجاري تكثيف البحث الجناءي لمعرفه تفاصيل الحادث حيث يذكرالبعض ان السبب هواختلاف حول ماتش الكره والبعض يؤكدان السبب ليس المباراه حيث يقول شهود عيان ان
عوده مماتش عشان ماتش كوره هتضيعوو حقوو حسبي الله ونعم الوكيل
آل بيحب عوده وعاوز يجيب حقه أو عاوز حقه ميضعش يركز ف الكلام 5 دقايق بس
ف كلام بيتقال ف البرامج والبيدجات أن سبب موت عوده ماتش كوره وده طبعا كله بلح وهري ف هري عوده اتقتل واتغدر بيه
انا كنت قاعد ورا عوده بالظبط وقبل الماتش قعدنا نهزر وف واحد جه صورنا وسالنا توقعاتكو للماتش وكل واحد كان بيقول توقعه
الماتش بدأ وقعدنا نتفرج وف الشوط التاني جه اتنين غير ال كانو قاعدين الشوط الأول واحد فيهم فضل حاطط رجله ف ضهر الكرسي ال محمود أخو عوده قاعد عليه ف مع كل هجمة ال حاطط رجله ده يخبط ف ضهر محمود أخو عوده ف عوده قاله نزل رجلك قاله وانت مالك الراجل متكلمش قالو ده اخويا ونزل رجلك قاله هو ليه لسان يتكلم ف محمود قاله ده اخويا ونزل رجلك بقى ف خلصت الموضوع وقومتهم من جمبي وقعدت واحد صاحبي ع الكرسي
بعد ما الماتش خلص دخلت الحمام ولما طلعت بره لقيت العيال دي ومعاها كذا شاب بيشدو مع عوده ومحمود أخوه ف دخلت اهدي الدنيا لقيت واحد فيهم ضرب عوده ف بدأ كله يخبط ف بعضو لحد ما اتفضت وكل واحد راح لحاله
بعد كده عوده دخل أبو عوف عند قهوه ابن عمه وانا روحتله ع هناك وقعدنا شويه وبعدين قالي روح اغسل ايدك أو اربطها عشان صوابعي كانت متعوره ف قولتله خلاص هروح الزقها واغير هدومي واجيلك يادوب مكملتش 10 دقايق لقيت واحد صاحبي بيكلمني بيقولي عوده اتنكت بمطوه ف صدرو ف رجعت ع الحته لقيت أن العيال ال جرو شكلو قدام الكافيتريا رجعو وجابو ناس كتير معاهم وواحد فيهم اسمه عظيمة وشهرته الاسد دخل ع عوده ضربه بالمطوه ف صدره جمب قلبه وعورو كذا شاب كمان وطلعو يجرو وبعدين الناس ال ف المنطقه اخدو عوده ع مستشفي السلام ال حولته ع مستشفي العام ال بردو حولته ع مستشفي الجامعه ف طنطا وهناك ربنا رحمه وافتكره
عوده كان من اطيب الناس ال تتعامل معاها بلاش تضيعو حقه وتمشو ورا ال بيتقال عوده مماتش عشان كوره ولا ماتش عوده اتغدر بيه
