كتب..عاطف أنيس
لمحاولة استعطاف الجماهير ولا ايه مش فاهمين ..
ياكابتن اسلام فكرة انك تحط اسم فلافيو جنب ازارو ده جريمة يعاقب عليها القانون .. لا وجه للمقارنة بين دبابة زي فلافيو كان بيعرف يستلم الكورة من برة المنطقة ويمشي ويفتح لعب ودماغ تعرف طريق المرمى بلاعب اساسا مبيعرفش يستلم ولا يجري بالكورة .. ووسط كل جون ييجي 30 انفراده تضيع .. وعدد من البطولات يضيع كل سنة ..
المقارنة دي ظالمة بكل المقاييس وماتنساش ان فلافيو كان جنبه مهاجم تاني بيلعب معاه وبيسجل معاه سواء كان متعب او اسامة حسني .. انما ازارو على الساحة لوحدة وبيجيله كم هجمات مجاش لفلافيو ومتعب مع بعض .. ومع ذلك مفيش فايدة..
اللعيب الي بيعرف يسجل بيسجل اياً كانت الظروف مفيش حاجة مدرب يغيرلك الفينش بتاعك .. لو مكنتش موهوب فيه من صغرك عمرك ماهتتعدل دلوقتي ..
التبرير لازارو مضيعة للوقت دلوقتي .. ومضيعة للبطولات مع نهاية السيزون
