اخبار الرياضة
نتمنى احنا جمهور الاهلي اننا كلنا نخف الضغط على اللاعيبه والانتقاد الشديد
كتب…عاطف أنيس
الـ بنوجهه ليهم بعد اي تعثر او هبوط في المستوى او فتره دروب لانه وارد جدا اي لاعب يتالق وبعدها يدخل في فتره دروب ومستواه ينزل جدا ولنا على سبيل المثال وليد ازارو اتالق اول موسم ليه مع الاهلي وكان هداف الدوري وبعدها دخل في فتره دروب وهبوط في المستوى والكل بينتقده حاليا وبيتهاجم باسلوب فظيع وتريقه و انتقاد و… الخ
ومؤمن ذكريا نفس الكلام كان دايما في ماتشات القمه تلاقيه بيسيب بصمه في الماتش و في اي ماتش مع الاهلي تلاقيه دايما بيسد في مكانه ومعروف بالعشوائي يعني يتعب اي دفاع قدامه متعرفلوش مكان بالظبط تلاقيه يمين وشمال وجوا ال ١٨ ويسجل من اقل فرصه بتجيله
اه حصل فترات هبوط في المستوى و قله حظ بس لازم احنا جماهير الاهلي نساند اللاعيبه في فترات الدروب وانهم يظهرو بمستوى سيء لازم نساندهم وندعمهم علشان يرجعو احسن من الاول لان الانتقاد مش هيسبب غير التعب النفسي والعضوي ويزعل اللاعب من الجماهير وشوفنا مثال حي اهو
مؤمن ذكريا اتدمر نفسيا والتعب النفسي اثر عليه بتعب عضوي و مشاكل ف الاعصاب وكل ده بسبب الانتقاد المستمر والهجوم على اللاعيبه في فترات هبوط مستواهم
واحنا من الناس الـ انتقدنا لاعيبه كتير والجمهور كله بينتقد بس احنا شوفنا اهو نتيجه الانتقاد والهجوم واظن نتيجتهم مترضيش حد فينا محدش فينا يرضى ان لاعب عندنا يتاذى ويتعب وكمان نكون احنا السبب في تعبه
فـ ياريت يا رجاله نتمنى كلنا نساند كل لاعيبتنا ونقف معاهم وقت المحنه ووقت الفرحه
وقت هبوط مستواهم ووقت تألقهم لان بجد ده في مصلحه اللاعيبه و في مصلحتنا احنا كـجمهور لما نقق جنب لاعيبتنا ونساندهم هم هيتألقو وكل ده هيعود على النادي بالخير ان شاء الله
وربنا يشفيك يا مؤمن ويشفي كل مريض يارب واحنا في ضهرك وبندعمك وبنساندك جمهور الاهلي طول عمره ضهر للنادي ولاعيبته❤