بقلم شاعر التحدي وبالنيابة عن كل معاق عايش في مصر بلدي
أعمل ايه عشان تصدق
بَحبها وعندي مبدأ
بحاول أسبق وعُمري ما ايأس
كل يوم الشمس تشرق
والأمس في حِلم بكرة يغرق
والقلب بيدوب ويعشق
بحبها وعندي مبدأ
عمري ماأفسد ولا مرة أحرق
ببطولتي بحلم
وطفولتي عليا تِشهد
بصري خليته بصيرتي
سمعي خليته إشارتي
شللي خليته عصايتي
حتي ذهني خليته مبدع
ها أتقدم رافض أرجع
عمري ما أندم ولا أتوجع
الصبرمن قلبي يشبع
وقلمي بيكتب حروف بتنفع
كل همي أكون
أكون أصم بيسمع
أكون كفيف بيرسم ويبدع
ها تقول ضعيف ؟
ها أمسك العلم وأرفع
أبكم ها أعلي صوتي والكل يسمع
بالتحدي عيوني مستحيل تدمع
ابنك يامصر بينطق ويسمع
ابنك بيفكر ويصنع
يا مصر ياأم النيل
إبنك مصري وأصيل
ردت مصر وقالت
———-
أنا مصر
أنا مصر وأنتم ولادي
التحدي هدفكم وانتم مرادي
تسلم قلوبكم تسلم عقولكم
سامعه لسانك في نشيد بلادي
أرضي مكانكم في حاضر وماضي
وبكرة دا يومكم
مين يقدر يهينكم؟
إنتم تحدي بيني وبينكم حُب وصداقة
إنتم أصحاب إعاقة ؟
إنتم عزيمة إنتم إرادة
المعاق
الل رافض العمار وعايزها خرابة
و ب أعلي صوت بنادي وبااقول
الاعاقة اعاقة ضمير
الاعاقة إعاقة ضمير
والخطوة ليكم بألف ميل
وعندي ليكم مليون دليل
الأسامي في صفحتي مكتوبة
وكتير سليم بيعشق ثروتي المنهوبة
أنا مصر أم العروبة
رفعتوا عَلمي في كل بطولة
رسمتوا هرمي حِلمتوا حلمي
عِيشتووو ألمي
أنا حاسة بيكم أنا روحي فيكم
انتم عزيمة أنتم جنود ضدد الهزيمة
انتم ولادي مش ضيوف
بصمات التحدي أغلي من بصمات الكفوف
أحد من السيوف
لا يهمكم ضعف ولا خوف
ولا ألم ولا ظروف
أصحاب و إختفوا في الكهوف
وياما هانعيش ونشوف
أساميكم مكتوبة بأغلي الحروف
مستحيل
تموت أحلامكم بين الضفوف
و تعيش أوراقكم علي الرفوف
وطنيين انتم مصريين مش ضيوف
الواحد منكم باألووووووف
حقيقة مش كلام
وبكل حُب وإحترام
منيِ ليكم تعظيم سلام
