بقلم ابرام كمال
متزعليش يا ام الشهيد
علي ابنك اللي راح ومجاش
ده هدية كل عيد
وابنك اختار السماء وعاش
مهما يحصل بالقنابل
هو عارف مش هنخاف
ده مهما يعمل انا قابل
لو هتشال ع الاكتاف
يا كنيستي قومي من تاني
وامسحي دموع ام الشهيد
ابنك راح و ف ثواني
علي الملكوت عايش سعيد
يلا نصلي في كل كنيسه
بكل قوه وكل ايمان
عشان الايد الخبيسه
تحس مره بالاحسان
هنفضل نصلي ومش هنخاف
مهما هتددتونا بالقنابل
اصل عمري ما اكون خواف
ومهما يحصل برضوا قابل
امسحي دموعك يا ام الشهيد
رد الرب ف السريع هيكون
افرح النهارد عيد
والرب بيتكلم واحنا صمتون
كلمات الشاعر ابرام كمال
