سيب لي قلبي
سيب لي قلبي انا حر فيه
لا يبكي عليك ولا ابكي عليه
عيش حياتك واعيش حياتي
وكل واحد الله يهديه
سيب لي قلبي انا حر فيه
ومافيش طبيب يقدر عليه
عيش حياتك واعيش حياتي
كفايه قسوه نفسي عليه
قلبي اللي نسبته الحنان
بعد ماكان بيعشق زمان
ولما دار بيه الزمان
راجع وعايزه يصدقك
جاي توعده بجنه امال
ترسم له حلم في الخيال
تحلم بأنه معاك يعيش
والوعد مش قد اللي قال
لا تبعد يوم ولا ابعد يوم
وتعالى نخلي الحب يدوم
على شطك واقف يستناك
تاخذني في بحر هواك ونعوم
لا تبعد يوم ولا تنساني
ولا تسبني لوحدي اعاني
دا القلب اتعلق بيك
جروحه لسه الماني
ياحبيبي حاول تسمعني
دا انا قلبي ياما سألني عليك
أن قولت انساك هيبعني
ويروح يدور على اراضيك
ومادام القلب ليك شاري
بلاش تزيد شوقي وناري
وتسيل دموعي على خدي
ولا انت حاسس ولا داري
ماتحن بقا يوم وتجيني
وتصالح قلبي مع سنيني
دا انت اللي من الدنيا حبيبي
بنظره منك تحييني
بقلمي أحمد خلف ابوسكين
