كتب.. عاطف انيس
ما شاء الله عليه و نلاحظ دا جداا ف الماتشات الكبيره بيكون موجود فيها
تقريبا طاهر من اللعيبه القليله جداا ال ظهرت بشكل كويس في كاس العالم للانديه و من الناس ال كانت شايله الاهلي ف البطوله دي ؛ و زي ما شوفنا لاعب الدحيل م قال عليه انه كان فعلا شايل الفرقه و عامل تقل ف المكان
ماتش زي بيراميذ لاحظنا كان عامل ايه مع لاعب بحجم و خبرة احمد فتحي
و في ماتش زي الاتحاد ف الدوري مثلا ف جول كهربا عمل كل حاجه و اتصرف افضل تصرف ف الكوره ؛ ضغط ع لاعب الاتحاد بقوه بدنيه عاليه جداا و خاد الكوره منه و مش مجرد قطع الكوره و باص اي باص تقل ع الكوره و رقص واحد و لعب الكوره ل كهربا مافيش افضل من كدا قاله خد هات جول و حولها من هجمه ل الاتحاد ل هجمه لينا
طاهر من الحاجات ال كنت بحبها فيه جداا لما كان ف المقاولين انه من كوره ميته و زاويه صعبه جدا كان يقدر يجبها جول حاجه كدا زي جوله في وادي دجله ؛ استلم ف المنطقه و منغير ما يكون وشه ل الجول ولا اي حاجه خاد قرار التصويب مع انه صعب جداا من وضعيه زي ال كان واقف فيها و انه وشه مش ل الجول اصلا و قدر منها يجيب جول
طاهر لسه عنده كتير جداا و لسه مش موفق او مش طاهر ال كنا مستنيينه بس
طاهر عنده مميزات كتير جداا.. زي انه قوي بدنيا جداا و يقدر يشوط ب اليمين و يشوط بالشمال و يدافع كمان كويس جداا ؛ بشوفه انه من اقوي صفقات الاهلي الفتره ال فاتت
