كلمات : محمد فتحى
مينا ملاك
ازاى تكون إنسان
يالى الشر ماليك
أملى قلبك إيمان
بأن الإنسانية ليك
لو شفت فقير محتاج
وعمره ماحس بحنان
وسبته لغدر الامواج
ف ازاى هتكون انسان
الانسانية يعنى نور
عمرها ما كانت برد
بتزرع الأرض البور
بتملاها فل و ورد
الانسانيه يعنى
تعيش بضمير بزمه
مش يعنى تجرحنى
وتشبهنى بالجزمه
الانسانية ليها معانى
مليانة حب و تعبير
لو غابت فعلا هنعانى
الانسانية برضو ضمير
جاهد ضد الشر
ولو هتوصل للدم
لدرب الاخلاق استمر
جواك الخير يعم
هتفضل تملى الانسانية
مفتاح الحب و الحياة
فى اى لحظة شرانية
هية الطوق و النجاة
البردان اسعى وغطيه
واللى خايف احضنه
والعريان بمحبه اكسيه
طبطب ع الغلطان وانصحه
…
ببساطه الانسانيه حياه
تعيشها وتحس بغيرك
تكونله طوق نجاه
وكله هيبقى لخيرك
الانسانية مش معناها هلاك
الانسانية محبة شديدة
محمد فتحى و مينا ملاك
كتبوا ليكم كلمات القصيدة
