مصر
أعلن عدلي القيعي مقدم برنامج ملك وكتابة
كتب.. عاطف انيس
عبر قناة الأهلي في برنامج البيت الكبير
مع اسلام الشاطر اعتزاله العمل داخل النادي الاهلي
و صرح مدير التعاقدات السابق بالنادي اعتزاله رسميا العمل في النادي الأحمر خلال ظهوره بالقناة مشيرا إلى أنه طلب الرحيل في أكثر من مره إلا أن محمود الخطيب رئيس القلعة الحمراء كان يرفض الأمر ويؤجله
وقال القيعي
أقول للكابتن الخطيب أنا بقالي 14 سنة وأنت بتهزر معايا تقولي عايزين نعملك ماتش اعتزال وكل شويه أقولك يالا بينا تقولي مش وقته يا عدلي لحد السنة اللي فاتت يا كابتن محمود
وأضاف عدلي القيعي
هذا هو الوقت الصحيح وأنا بستأذنك إن دلوقتي جاء الوقت للرحيل والاعتزال وأنت علمتني لحظة الاختيار أنت لما اخترت تعتزل اعتزلت في أعظم لحظه لك وأنت واخد بطوله ووشك متعور والدنيا دراما ومش عارفين هتجيلك اللحظه دي تاني أو لا وكنت تقدر تلعب سنه واتنين كمان
وتابع مدير التعاقدات السابق
بستأذنك إني أعتزل وتقبل إعتذاري هذه المره وأنا إن كنت أعتزل احتراف النادي الأهلي لن أعتزل عشقه وتحت أمره في كل شيء وشكرا لمجلس الإداره وعليهم أن يقبلوا اعتذاري واعتزالي والحمد لله مش هلاقي لحظة ولا مباراة اعتزال أجمل من أمس الأول حينما قرر مجلس الإدارة تكريمي على مجمل أعمالي خلال السنوات الماضيه