كتبت: هاجر عاطف
ذبح مواطن في الشارع بالأسماعليه وفصل رأسه عن جسده نهائياً والسير بها في الشارع هذه الجريمه الذي هزت الرأي العام في محافظة الاسماعليه والسوشيال ميديا بشكل كبير بعد تداول فيديو للمتهم اثناء قتله للمجني عليه وفصل رأسه عن جسده و وضعها في شنطه سوداء والتجول بها في منتصف الشارع وتم القبض علي المهتم من الاهالي وتسليمه للشرطه والمتهم بدا مضطرب نفسياً امام الشرطه وادعي انه اغتصب والدته و من المحتمل ايضاً ان يكون ارتكب المتهم الجريمه تحت تأثير المخدارات
اكدت اخت المجني عليه فاطمه محمد صديق (( اخويا كان رايح يجيب لأبويا عيش وابويا بيجي كل شهر من ابو خليفه يقبض المعاش وبنجبله حاجاته من هنا وبيروح ابو خليفه تاني واخويا كان بقاله ٤ ايام نايم تعبان فالما صحي سلم علي ابويا وابويا قاله خد المكنه و روح هتلي عيش عشان انا ماشي قاله ماشي يابا وبعد ما مشي بعشر دقايق ببص لقيت في مكالمه لتلفوني واحده بتقولي في واحد بيضرب اخوكي فبقولها مين قالتلي معرفهوش سالتها فين الخناقه قالتلي في شارع طنطا قبل الحي عند القهوه وقصاد المطعم وجريت واهلي جم ورايا و روحت لقيت اخويا مرمي في قلب الشارع والقاتل ماسك راسه رايح جاي بيها ف الشارع وقعد اصوت وكشفت اخويا وشوفته اتاكد ان هو ))
وأخو المجني عليه حسن (( جالي تلفون اخوك اتقتل رنيت علي اختي بسالها في ايه قالتلي كان رايح يجيب عيش واللي قتل اخويا كان شغال معانا متربي معانا بس احمد اخويا كان في حاله ومكنش ليه علاقه بيه خالص وعمري مااتوقع ان عبد الرحمن يعمل حاجه زي كده ))
وزوجة المجني عليه (( والله ارزقي مش شغال حاجه وكان في حاله معاه ولادين كبار وبنتين متجوزين و ٣ عيال صغيرين كان غلبان ومالهوش في الخناقات دا كان رايح يجيب عيش لابوه كان قالي متزعليش مني وكان خايف عليا وعلي العيال ))
و ابو المجني عليه (( هقول كلمتين اتنين بس لا الحكومه تطلعهونا تسلمهونا لتشنقه في ميدان عام قدامي ))
واشارت حماة المجني عليه (( كان غلبان ومشوفناش منه حاجه ))
