بقى دى موضة
حد يفهمنى يا اولاد
دى ايام فعلا سودة
مليانة كحلة و سواد
يا عينى على البنطلون
اللى قماشه ناقص
هو عليه ديون
ولا حسابه مش خالص
هو البنطلون مقطع
ردوا عليا يا بنات
ولا القماش اتمطع
أتحول دواير و مربعات
ايه يا بنتى المحزق ده
بجد مش معقول كده
ليه يا بنتى الملزق ده
شيبتى العقول كده
ارحمى الشباب شوية
يا ست الحسن و الجمال
يا ترى ايه الموضة الجاية
ارحمى شيبتى الرجال
لمى شوية اللى باين
الشباب مولع زى النار
عاملين زى الجناين
اللى مبترويهاش انهار
عيب عليكى يا أمورة
خفى بقى دلع
كل اللى شاف الصورة
شعره من راسه انقلع
العيب على مين يا قماش
خليت البنت مكشوفة
يا أما انت ماتسواش
أما هية مش مكسوفة
